List Price
$10.00
About This Book
காலச்சுவடு இதழ் 306 (2025, ஜூன்) கனன்றுகொண்டிருக்கும் எரிமலை: பஹல்காம் பயங்கரவாதத் தாக்குதலுக்குப் பிந்தைய மோதல்களையும் அதன் விளைவுகளையும் விரிவாக அலசி ஆராய்கிறது தலையங்கம். பானு முஷ்தாக்: 2025ஆம் ஆண்டு புக்கர் பரிசு பெற்ற பானு முஷ்தாக்கின் அறிமுகத்துடன் அவருடைய படைப்புலகையும் மொழி வடிவம் குறித்த பார்வையையும் அறிமுகம் செய்கிறார் ப. சகதேவன். திரை: "டூரிஸ்ட் பேமிலி" திரைப்படத்தின் வசனத்தில் பயன்படுத்தப்படும் இலங்கைத் தமிழ் குறித்து காத்திரமான விமர்சனத்தை சச்சிதானந்தன் சுகிர்தராஜா முன்வைக்கிறார். படைப்புகளின் தொடர்பு வலை: அமெரிக்க எழுத்தாளர் எர்னெஸ்ட் ஹெமிங்வேயின் ஆங்கிலச் சிறுகதை ஒன்றை, 22 ஆண்டுகளுக்குப் பிறகு லத்தீன் அமெரிக்க எழுத்தாளர் ஜோர்ஜ் லூயி போர்ஹே தொடர்வதை விவரிக்கிறார் அம்ஷன் குமார். போரும் தேசமும்: 2023ஆம் ஆண்டு டிசம்பர் 13 அன்று பி. கோவிந்த பிள்ளை விருது விழாவில் உரையாற்றிய அருந்ததி ராயின் ஆங்கில உரையை மொழிபெயர்த்து எழுத்து வடிவமாக்கியுள்ளார் ஜி. ஏ. கௌதம். மதிப்புரைகள்: சிரமமான காரியம் (க.நா. சுப்ரமண்யம் மொழிபெயர்ப்பு முன்னுரைகள்) - எஸ். செந்தில்குமார் கேரள பழங்குடிக் கவிதைகள் - ரா. சின்னத்துரை வீரப்போர் மங்கை குயிலி - எஸ். பால்ராஜ் யாக்கை - கிருஷ்ணமூர்த்தி சிறுகதைகள்: பெருந்தேவி (மயானக் கொள்ளை) சுஜா செல்லப்பன் (தாழொடு துறப்ப) சுஜாதா செல்வராஜ் (வெள்ளைச் சீலை) கவிதைகள்: நந்தன் கனகராஜ் ஜோசப் செல்வராஜ் பஹ்தியார் ஹதாயத் (தமிழில்: க.மோகனரங்கன்) அஞ்சலி: குமார் அம்பாயிரம் - கண்டராதித்தன்
About The Author
1988ஆம் ஆண்டு சுந்தர ராமசாமி (1931 - 2005) காலச்சுவடு இதழை நிறுவினார். காலாண்டு இதழாகத் தொடங்கப்பட்டுப் பின்னர் ஜூலை, 2000 முதல் இரு மாத இதழாகவும் மே, 2003 முதல் மாத இதழாகவும் வெளிவருகிறது. படைப்பிலக்கியம், நுண்கலைகள், தத்துவம், வரலாறு, அரசியல், பொருளியல், வேளாண்மை, சூழலியல், திரைப்படம் உள்ளிட்ட தமிழ் வாழ்வின் பல்வேறு கூறுகளை உள்ளடக்கி வெளிவரும் காலச்சுவடு தனது 300வது இதழைக் கடந்துள்ளது. காலச்சுவடு சிறப்பிதழ்களாகவும் சிறப்புப் பகுதிகளுடனும் தொடர்ந்து வெளிவருகிறது. உலக, இந்திய மொழிகளின் படைப்பிலக்கியப் போக்குகளைக் கவனப்படுத்தும் பல்வேறு மொழிபெயர்ப்புகளைத் தொடர்ந்து வெளியிட்டுவருகிறது.
Kalachuvadu Publications
