List Price
$10.00
About This Book
காலச்சுவடு இதழ் 308 (2025 ஆகஸ்ட்) தலையங்கம்: நெருக்கடிநிலை ஐம்பது ஆண்டுகளின் விளைவுகளையும் நெருக்கடிநிலையை அறிவிக்காமலே அக்காலத்தின் ஆட்சியைத் தந்துவரும் மோடி அரசின் ஆட்சியையும் மதிப்பாய்வு செய்கிறது தலையங்கம். சிறப்புப் பகுதி: நெருக்கடிக் காலத்தின் துயர்களையும் போராட்டங்களையும் அனுபவங்களையும் எதிர்வினைகளையும் பகிர்ந்துகொள்கிறார்கள் சிபிஐ(எம்)மின் மத்தியக் குழு உறுப்பினர் அ. சவுந்தரராஜன், மக்கள் முன்னணியின் மாநில அமைப்பாளர் ராகவ ராஜ், எழுத்தாளர் வண்ணநிலவன் ஆகியோர். ஆத்மாநாமின் நெருக்கடிக்காலக் கவிதையும் இப்பகுதியில் இடம்பெறுகிறது. 80+ தொடர்: ஆய்வுப் புலத்தில் ஆ. சிவசுப்பிரமணியனின் பங்களிப்புகளை மதிப்பிடுகிறார் இரா. காமராசு. நேர்காணல்: ’மனிதநேயத்திற்கான அறிவுத்துறையே மானிடவியல்’ – மானிடவியல் துறையின் நீள அகலங்கள் குறித்து பக்தவத்சல பாரதியிடம் உரையாடுகிறார் மருதன். திரை: பிரேசிலிய இயக்குநர் வால்டர் செலஸின் புதிய திரைப்படம் ’I'm Still Here’இன் பின்னணி குறித்து விவாதிக்கிறார் ரதன். கதைகள் தீராக்கனல் – எம். கோபாலகிருஷ்ணன் நினைவுச் சிலை – மு. குலசேகரன் மாயச் சுண்ண வரைகோல் – கோபோ அபெ தமிழில்: எழில் சின்னத்தம்பி கவிதைகள் க. மோகனரங்கன் பத்தி, மதிப்புரைகள், பதிவு, கடிதங்கள் ஆகியவையும் இவ்விதழில். https://kalachuvadu.com/magazines
About The Author
1988ஆம் ஆண்டு சுந்தர ராமசாமி (1931 - 2005) காலச்சுவடு இதழை நிறுவினார். காலாண்டு இதழாகத் தொடங்கப்பட்டுப் பின்னர் ஜூலை, 2000 முதல் இரு மாத இதழாகவும் மே, 2003 முதல் மாத இதழாகவும் வெளிவருகிறது. படைப்பிலக்கியம், நுண்கலைகள், தத்துவம், வரலாறு, அரசியல், பொருளியல், வேளாண்மை, சூழலியல், திரைப்படம் உள்ளிட்ட தமிழ் வாழ்வின் பல்வேறு கூறுகளை உள்ளடக்கி வெளிவரும் காலச்சுவடு தனது 300வது இதழைக் கடந்துள்ளது. காலச்சுவடு சிறப்பிதழ்களாகவும் சிறப்புப் பகுதிகளுடனும் தொடர்ந்து வெளிவருகிறது. உலக, இந்திய மொழிகளின் படைப்பிலக்கியப் போக்குகளைக் கவனப்படுத்தும் பல்வேறு மொழிபெயர்ப்புகளைத் தொடர்ந்து வெளியிட்டுவருகிறது.
Kalachuvadu Publications
