List Price
$10.00
About This Book
தலையங்கம்: எல்லோர் கைகளிலும் கறை கரூர் துயரச் சம்பவம் குறித்த தலையங்கம் மக்களின் விழிப்புணர்வு, அரசியல்வாதிகளின் பொறுப்புணர்வு, காவல்துறையினரின் கடமைகள் ஆகியவை குறித்துப் பேசுகிறது. இப்பிரச்சினையில் வெளிப்படும் தமிழ் அறிவுலகத்தினரின் அபாயகரமான போக்குகளையும் கவனப்படுத்துகிறது. கட்டுரைகள்: பிரிவினைவாதப் பயங்கரம் — கா.அ. மணிக்குமார்: இந்தியப் பிரிவினை எப்படி, ஏன் ஏற்பட்டது, அதன் விளைவுகள் என்ன என்பவை குறித்த இக்கட்டுரை, பிரிவினை என்னும் கருத்தியலை ஆழமாக அலசுகிறது. தன்னாட்சியே சுதந்திரம் — விவேக் ராதாகிருஷ்ணன்: மேற்கத்தியத் தத்துவவியல் வரலாற்றில் தாக்கத்தை ஏற்படுத்திய சிந்தனையாளர் இம்மானுவேல் காண்ட். அவர் மனித அறத்தை அணுகிய விதத்தையும் அவருக்கிருந்த சாவல்களையும் தத்துவார்த்தமான நெருக்கடிகளையும் இக்கட்டுரை ஆராய்கிறது. ஜோடி டி குருஸ் நேர்காணல்: சாகித்திய அகாதெமி விருதுபெற்ற எழுத்தாளர் ஜோடி டி குருஸின் விரிவான நேர்காணல். சந்திப்பு: அரவிந்தன். திரை: ‘பைசன்’- வன்முறையின் விளையாட்டு — ஸ்டாலின் ராஜாங்கம். உரைகள்: சேரன் 50: — துஷி ஞானப்பிரகாசம் தீரமிகு புது உலகம் — கோ. ஒளிவண்ணன். பதிவு: இயல் விருது 2024 - கிருஷ்ண செல்வன் பாரதியியல்: யார் இந்த சரஸ்வதியார்? — ய. மணிகண்டன் சிறுகதைகள்: களந்தை பீர்முகம்மது, உமா வரதராஜன் அஞ்சலி: எஸ்.எல். பைரப்பா - பாவண்ணன் ஜேன் குடால் – செல்வகுமாரன் ரமேஷ் பிரேதன் - சித்ரன்
About The Author
1988ஆம் ஆண்டு சுந்தர ராமசாமி (1931 - 2005) காலச்சுவடு இதழை நிறுவினார். காலாண்டு இதழாகத் தொடங்கப்பட்டுப் பின்னர் ஜூலை, 2000 முதல் இரு மாத இதழாகவும் மே, 2003 முதல் மாத இதழாகவும் வெளிவருகிறது. படைப்பிலக்கியம், நுண்கலைகள், தத்துவம், வரலாறு, அரசியல், பொருளியல், வேளாண்மை, சூழலியல், திரைப்படம் உள்ளிட்ட தமிழ் வாழ்வின் பல்வேறு கூறுகளை உள்ளடக்கி வெளிவரும் காலச்சுவடு தனது 300வது இதழைக் கடந்துள்ளது. காலச்சுவடு சிறப்பிதழ்களாகவும் சிறப்புப் பகுதிகளுடனும் தொடர்ந்து வெளிவருகிறது. உலக, இந்திய மொழிகளின் படைப்பிலக்கியப் போக்குகளைக் கவனப்படுத்தும் பல்வேறு மொழிபெயர்ப்புகளைத் தொடர்ந்து வெளியிட்டுவருகிறது.
Kalachuvadu Publications
